Reduce, reuse, recycle

Stundum á ég mjög erfitt með að sætta mig við að ég verði að henda einhverju sem ekki virkar lengur. Stundum leiðir það svo aftur til þess að ég læri eitthvað nýtt og verð flinkari (og ákveðnari) en áður. Kláraði í dag margra vikna hreinsiferli á keðjunni á hjólinu mínu. Hún var orðin mjög ryðguð eftir saltaustur Íþökubúa á vegi og gangstéttir í vetur og satt best að segja ekki hugað frekara líf af starfsmönnum hjólabúða, enda orðin svo pinnstíf að ekki einn einasti hlekkur hreyfðist. Ég setti hana hins vegar í uppþvottalögsbað og gleymdi henni þar ofan í í líklega tvær vikur, tók hana svo uppúr og alla í sundur og skrúbbaði hátt og lágt, endurnýjaði svo baðið og lét hana malla í nokkrar vikur í viðbót. Aftur var keðjan skrúbbuð og burstuð í bak og fyrir og var þá orðin svo fín að ekki þótti ástæða til að baða hana frekar. Næst þurfti að lemja gripinn einhvern veginn saman. Áðurnefndir starfsmenn hjólabúða höfðu sagt mér að keðjupinnarnir væru einnota og vonlaust að nota þá aftur, mér tókst að troða 6 af 9 aftur inn í keðjuna og var nokkuð ánægð með sjálfa mig. Hinir þrír voru keyptir daginn eftir og loks í dag tók ég mig til og setti keðjuna aftur á hjólið og brunaði í eftirmiðdagssólinni niður í skóla. Lifi þrjóskan, og endurnýtingin!!

Smá raus um dag og veg

Það er alltaf gaman að blogga þegar heimadæmi í stærðfræði liggja fyrir...

Þessa dagana er hér í heimsókn stelpa sem er búið að hleypa inn í jarðfræðina, n.t.t. í líf-jarðefnafræðiprógrammið hjá leiðbeinandanum mínum. Hún kom hingað á fimmtudaginn, er búin að vera í stífu prógrammi að hitta fólk og kynna sig, og fer svo aftur heim á morgun. Í gær þvældist hún um allan kampus í fylgd framhaldsnema, fór á fyrirlestra og lauk deginum á skemmtistað í bænum í boði deildarinnar. Allir eru að sýna sitt besta andlit og vera sem almennilegastir til að hún ákveði nú að taka tilboðinu héðan; það er sennilega jafnmikil samkeppni milli skóla um góða nemendur eins og það er mikil samkeppni meðal nemenda um skóla.

Eftir að fylgjast með, mest til utan frá, hvernig svona kynnisheimsókn fer fram er ég alveg rosalega fegin að ég fór ekki í heimsóknir sem þessar þegar ég var að sækja um í fyrra!! Ekki það að ég sé svona ósósíal, ég bara hefði snappað á einhverjum tímapunkti yfir allri kurteisinni og innihaldslausa hjalinu. Á barnum í gær slysaðist ég til að spyrja hana hvað hún væri að vinna við þar sem hún er núna. Til baka fékk ég þvílíkan þjáningarsvip, svo afsökunarbros og eitthvað muldur. Allt í einu þagnaði hún í miðju kafi og baðst afsökunar, hún væri bara búin að fara með þessa rullu svo oft þennan daginn að hún gæti það ekki aftur. Grey stelpan. Hún er mjög indæl og væri kærkomin viðbót við labbið okkar, nú er bara að vona að hún velji okkur fram yfir Kaliforníu! Ég vona líka að hún hafi átt aðeins afslappaðri dag í dag.

Hjá mér byrjaði dagurinn snemma, allt of snemma miðað við hvað ég var lengi úti í gær. Fór á skíði með nokkrum félögum mínum, í þetta skipti að telemarka í brekkunum í Greek Peak (öfunda aðra félaga mína, sem nú eru á Telemark-hátíð í Vermont, svo mikið :)). Ég fékk lánuð "alvöru" telemark-skíði og það er svona milljón sinnum viðráðanlegra en að telemarka á gönguskíðum. Íhá, ekkert smá gaman!

Fjémínístinn

Keypti Fjégúrðarmýtúna í dag - mikið hlakka ég til að komast í að lesa hana.

Gott!!!

í morgunmatinn: Ristuð sesambeygla með rjómaosti og lífrænt ræktað kaffi frá Súmötru. Hvar værum við án CTB??

Kósí á þriðjudagskvöldum í vor

Hann Don í útiklúbbnum á heitan pott. Ekkert smá notalegt að fara í pottinn eftir jógatíma og klúbbfund og kjafta sig inn í nóttina!

Spínatípínat

Á einhver idjótprúf uppskrift að einhverju spínatípínatírínatí? Það er víst indverskt í matinn á morgun og fólk beðið að koma með í púkkið. Ábendingar vel þegnar!

Skemmtilegt líf aðstoðarkennara

Ein af mínum helstu skyldum hér þetta árið er að kenna verklegt í inngangskúrsi í haffræði og haf-jarðfræði. Í Bandaríkjunum byrjar fólk háskólanám þegar það er 18 ára, ekki tvítugt eins og heima, og því líður mér yfirleitt frekar eins og ég sé að tala við bekk af menntskælingum en háskólanemum. Þar að auki þurfa krakkarnir að taka heilan haug af kúrsum sem hafa ekkert með aðalfagið þeirra að gera, svona svipað og þegar máladeildarfók heima þurfti að taka jarðfræði og eðlisfræðikrakkar að taka þýsku út í það óendanlega. Þetta veldur því að inngangskúrsarnir eru þéttsetnir fólki sem hefur engan áhuga á efninu en verður að taka kúrsinn.

Þetta var skemmtilega augljóst í labbinu í gær. Við vorum að skoða set og grjót af hafsbotni og vinna verkefni um það hvernig setmyndun í hafinu á sér stað. Þar sem ég er skrýtinn jarðfræðingur sem elskar allt grjót og alla drullu finnst mér þetta alveg massa spennandi. Yfirleitt tekst mér ágætlega að fá fólk til að fá smá áhuga á viðfangsefninu þegar ég er með hóp af túristum úti í náttúrunni og get útskýrt hlutina í sínu rétta samhengi. Með míníatúr sýnishorn af grjóti á borði inni í skólastofu verður þetta hins vegar meiriháttar áskorun, sérstaklega þegar áheyrendahópurinn samanstendur af 18 ára krökkum sem hreinlega gæti ekki staðið meira á sama.

Það er svo sannarlega gaman að vera aðstoðarkennari...

Þjóðlegt tjútt

Írsk þjóðlagatónlist setti endapunktinn aftan við ágæta helgi. Ótrúlega flinkt tónlistarfólk, allir mussuhipparnir í Íþöku og nágrenni og dansandi börn og gamalmenni og allt þar á milli upp um alla veggi; gott mál. Takk fyrir mig.

Ísí on ðe pepsí, görl!!

Fight Club!

What movie Do you Belong in?(many different outcomes!)
brought to you by Quizilla
Svei mér þá, ég er alveg til í að vera svona hræðileg ef ég fæ á móti að vera í eins og einni mynd með ofurhönkinu honum Brad Pitt!!

Bó

Það er Íslendingapartý í kvöld í Íþöku. Allir að halda sér fast! Sit heima að fara yfir próf og reyni að hita upp fyrir tjúttið með því að hlusta á Bó og Röggu Gísla. Íha!! "Þú ert einn á leið sem enginn maður fer, aleinn á ferð og óljóst hvert á endanum þig ber. Bara akstur á undarlegum vegi óræðri nóttinni í, akstur í áttina að degi ef hann þá kemur á ný..." já, það er magnað hvað maður leggur á sig til að vera Íslendingur á erlendri grund ;)

Horfði annars á snilldarverkið "Brazil" í gær. Myndin fær bestu meðmæli, samt kannski aðallega fyrir þau sýrðari af ykkur.

Óperusaungkona eða stórskáld?

Í Íþöku um hæð og hól
hún Herdís litla skoppar,
þrjátíu ára' og enn í skól-
a er og aldrei stoppar!

Sérleg ammælisvísa frá frú Veinólínu

Fíbbl, bjánar og fæðingarhálfvitar

Sótti slædsmyndir úr framköllun í gær. Þessir andskotans eymingjar og aular höfðu það af að eyðileggja hálfa filmuna með því að klippa myndirnar í tvennt og setja tvo mismunandi helminga in í hvern ramma. AAARRRRRGGGGGGHHHHHHH!!!!! Ætla aldrei aftur að biðja um innrammaðar slædsmyndir. Djövulsins asnar.

P.S. Ekki fara að segja mér hvað digital sé miklu betra, ok? Verð bara að fá að vera sérvitur eins og alltaf :)

Vel þegið á laugardagsmorgni

Nokkrar þýðingar á íslenskum málvenjum:

The raisin at the end of the hot-dog = Rúsínan í pylsuendanum.
I measure one-pulled with it = Ég mæli eindregið með því.
Now there won't do any mitten-takes = Nú duga engin vettlingatök.
I come completely from mountains = Ég kem alveg af fjöllum.
Thank you for the warm words into my garden = Þakka þér fyrir hlý orð í
minn garð.
Everything goes on the back-legs = Það gengur allt á afturfótunum.
He's comepletely out driving = Hann er alveg úti að aka.
It lies in the eyes upstairs = Það liggur í augum uppi.
She gave me under the leg = Hún gaf mér undir fótinn.
He stood on the duck = Hann stóð á öndinni.
I teach in breast of him = Ég kenni í brjósti um hann.
On with the butter!!! = Áfram með smjörið.
Hahahahahaha = Hehehehehe

Stolið frá fyndnu víólustelpunni

Geturðu gert mér greiða?

Er einhver til í að fara á þessa tónleika fyrir mig á morgun?

Á laugardaginn kemur kl. 15:15 á Nýja sviði Borgarleikhússins mun CAPUT
flytja 5 verk eftir Alfred Schnittke og frumflytja nýtt verk eftir
Hildigunni Rúnarsdóttur. Verk Hildigunnar, sem er fyrir sópran og 10
hljóðfæri, heitir "Kemur kvöld" og er við ljóð Guðmundar Böðvarssonar.
Einsöngvari í verkinu er Hallveig Rúnarsdóttir og stjórnandi er Daníel
Bjarnason, en þetta er frumraun þeirra beggja með CAPUT hópnum.

Verk Schnittkes efnisskránni á laugardaginn verða Hymn I fyrir selló, hörpu
og pákur (1974), Hymn II fyrir selló og kontrabassa (1974), Hymn III fyrir
selló, fagott, sembal og rörklukkur (1975), Hymn IV fyrir selló,
kontrabassa, fagott, hörpu, sembal, rörklukkur og pákur (1977) og Kanon
fyrir strengjakvartett, tileinkaður minningu Stravinskys (1977).

Ég hef aldrei heyrt neitt eftir hana svo ég viti og ég hef aldrei heyrt yngri systur hennar (hún var fyrsta vinkona mín!!) syngja neitt síðan við vorum 7 ára eða eitthvað álíka. Nú eru þær systur orðnar meiri snillingar en nokkru sinni fyrr. Bein útsending á morgun vel þegin!

This monkey´s gone to heaven

Hef það frá henni Stínu að Pixies séu að koma til Íslands í maí. Ég VERÐ greinilega að fara heim í maí.

Er annars enn í sjöunda himni eftir stórsigurinn í matematíkinni og pönnsupartýið hjá Simeon í gær. Verð að hætta þessu útstáelsi, þetta er að verða eins og á Svalbarða hér forðum daga!!

Dísa rokkar!

Djövullrégglár!! Fékk 77 stigum hærra á stærðfræðiprófinu en á sama prófi í fyrra. Það eru tæp 4 staðalfrávik. Vei!!!!

Andlitslyfting

Meðan ég er of upptekin/framtakslaus til að fullgera heimasíðuna mína læt ég þessa smá andlitslyftingu á blogginum mínum duga. Núna eru gömlu linkarnir, auk nokkurra nýrra, komnir aftur upp, og mynd af undirritaðri við uppáhaldsiðju sína þessa dagana. Meira síðar.

Lopaskór og nammi

voru í pakkanum frá henni Hallveigu sem ég fékk núna áðan. Vei!! Takk fyrir mig!

Nýjasta útgáfan

af leiðarvísinum er komin, með mynd af leiðinni okkar og allt! Sjá hlekk í megafærslu gærdagsins.

A sandolum i ermalausum bol...

Ja uff, thad er bara ad koma vor. For ut a CTB adan berfaett i sandolum, reyndar ekki a ermalausum bol en thad er nu sennilega ekki langt i thad. Rett kominn mars, thetta er alveg hrikalegt!